Petropavlda kóktaıǵaqpen kúresýdiń jańa tásili qoldanylyp jatyr
PETROPAVL. QazAqparat - Bıyl Petropavl qalasynda kóktaıǵaqqa qarsy jańa reagent paıdalanylyp otyr, dep habarlaıdy QazAqparat tilshisi.
Reseıde shyǵarylǵan «Ledorýb» reagentin ázirge jergilikti arbat - Qazaqstan Konstıtýtsııasy kóshesindegi bedertastarǵa sebilip jatyr. Reagenttiń quramyna natrıı men hlorly kaltsıı kiredi. Óndirýshilerdiń aıtýynsha, bul qospa janýarlar úshin qaýipti emes jáne aıaq kıim men tondy búldirmeıdi. Reagent muzben ózara áreketteskendikten, jol tósemin búldirmeıdi.
Taza bedertasqa sebilgen qospanyń krıstaldary jol tóseminde 3-4 kún muzdyń paıda bolýyna jol bermeıdi.
Qalalyq turǵyn úı-kommýnaldyq sharýashylyq, jolaýshylar tasymaly jáne avtomobıl joldary bóliminde qospany byltyr shaǵyn ýchaskelerde synaqtan ótkizgenin aıtyp otyr. Reagent únemdi, ony satyp alý úshin bıýdjetti kóbeıtý qajet bolǵan joq.
Qalǵan jol tósemderine burynǵydaı topyraq-tuzdy qospa paıdalanylyp otyr. Bul qospa trotýarlar, qıylystardaǵy jol ýchaskeleri, aıaldamalar jáne jaıaý júrginshiler joldaryna sebilýde.
Bólimniń baspasóz qyzmetiniń málimetinshe, bıylǵy jyly trotýarlar men joldardy kóktaıǵaqqa qarsy materıaldarmen óńdeý jumystaryna 22 mln teńge bólingen.
