Petropavlda qoǵamdyq oryndarda maska taqqanmen, áleýmettik ara qashyqtyq saqtala bermeıdi - qoǵamdyq baqylaý toby
Qoǵamdyq baqylaý toby monıtorıng barysynda Petropavldaǵy halyq kóp jınalatyn nysandardy baqylaýǵa aldy. ıAǵnı saýda oryndaryn, dúkender men dámhanalardy, dárihanalardy aralap, kásipkerlerdiń ǵana emes, turǵyndardyń da karantındik talaptardy qanshalyqty oryndaıtynyn sarapqa saldy.
«Rahmet», «Dostyq mol», «City Mall», «Semeınyı», «Severnyı» sekildi iri saýda ortalyqtarynda maska taǵý rejımi saqtalǵan. Maskasyz eshkimdi kirgizbeıdi, kireberiste dene qyzýyn ólsheıdi. Alaıda, saýda ortalyǵynyń ishindegi shaǵyn býtıkterde satyp alýshylar da, satýshylar da maskalaryn sheship tastaıdy eken. Al áleýmettik ara qashyqtyqty múlde umytqan», - deıdi qoǵamdyq baqylaý tobynyń úılestirýshisi Rýslan Asaýbaev.
Bir kúnniń ishinde ishinde qoǵamdyq baqylaý toby Petropavldaǵy 10 saýda ortalyǵyn jáne 2 bazardy aralady. Olardyń aıtýynsha, bazarlarda da kelýshiler maska taqqanymen, áleýmettik ara qashyqtyqty saqtamaıdy.
«Búgin sondaı-aq Petropavldaǵy birinshi qalalyq emhanaǵa monıtorıng júrgizdik. Kireberisinde pandýs bar, jaǵdaıy jaqsy, biraq, shaqyrtý túımesi jumys istemeıdi eken. Qyzmetkerlerdiń aıtýynsha, qazir onyń symdary aýystyrylyp jatyr, ýaqytsha istemeıdi. Іlingen stendterimen tanystyq, emhananyń jumysyn baǵalaıtyn QR-kod eskirgen. Saqtandyrýǵa baılanysty tirkeý bóliminiń jumysy artqan. Suraqtaryna jaýap izdep keletinder kóp, máselen, saqtandyrylǵan ba, saqtandyrylmasa ne isteýi kerek, taǵysyn taǵylar... Jóndeý jumystaryna baılanysty óz-ózine qyzmet kórsetý sektory alynyp tastalǵan. Alaıda emhanada sanıtarııalyq talaptar qatań saqtalǵan. Kezek kútkender joq», - deıdi Rýslan Asaýbaev.
Qoǵamdyq baqylaý toby Petropavlda koronavırýs juqtyrýshylardyń artýyna baılanysty jumysyn jandandyrmaq. Buǵan deıin Petropavlda ótken aptada 40 adamnyń qaýipti aýrýdy juqtyrǵanyn aıtqan edik.
Osy demalys kúnderi SQO-da birqatar nysandardyń jáne qoǵamdyq kóliktiń jumysyna shekteý qoıylmaq.
