Petropavlda qoǵamdyq kólikterdiń jolaqysy óspek

PETROPAVL. QazAqparat – Petropavlda jáne qala mańyndaǵy eldi mekenderge qatynaıtyn qoǵamdyq kólikterdiń jolaqysy qymbattamaq, dep habarlaıdy QazAqparat tilshisi.

Qoǵamdyq kólikterdiń bılet qunyn qymbattatý ázirge joba. Qujat «Ashyq normatıvti-quqyqtyq aktiler» portalynda kóptiń talqylaýyna usynyldy.

Petropavl qalasy ákimdiginiń qaýlysyna sáıkes, oblys ortalyǵynda avtobýstardaǵy bılet quny kartamen tólem bolǵan jaǵdaıda 100 teńge, qolma-qol aqshamen tólengen jaǵdaıda 170 teńge bolyp bekitilmek.

Petropavl qalasynyń mańyndaǵy eldi mekenderge qatynaıtyn qoǵamdyq kólikterde de jolaqysy qybattamaq. Máselen:

№ 101 «Petropavl q. - Beskól aýyly» baǵyty, 1 kılometrge 10 teńge;

№ 102 «Petropavl q. - Podgornoe aýyly» baǵyty, 1 kılometrge 13,5 teńge;

№ 103 «Petropavl q. - Arhangelsk aýyly» baǵyty, 1 kılometrge 14,2 teńge;

№ 201 «Petropavl q. - Penkovo aýyly» baǵyty, 1 kılometrge 13,1 teńge;

№ 301 «Belovka aýyly - Petropavl q.» baǵyty, 1 kılometrge 10,8 teńge;

№ 302 «Peterfeld aýyly - Petropavl q.» baǵyty, 1 kılometrge 10,6 teńge;

№ 303 «Borovskoe aýyly - Petropavl q.» baǵyty, 1 kılometrge 12 teńge;

№ 304 «Sokolovka aýyly - Petropavl q.» baǵyty, 1 kılometrge 10,2 teńge;

№ 305 «Petropavl q. - Olshanka aýyly» baǵyty, 1 kılometrge 14 teńge;

№ 306 «Zaton aýyly - Petropavl q.» baǵyty, 1 kılometrge 12 teńge;

№ 307 «Petropavl q. - Mamlıýtka q.» baǵyty, 1 kılometrge 10,9 teńge».

Qaýlynyń jobasy 1 maýsymǵa deıin talqylanady.

Qazir Petropavlda qoǵamdyq kólikterde jolaqy kartamen 80 teńge bolsa, qolma-qol aqshamen 130 teńge. Tarıfti kóterý máselesi kópten kóterilip keledi.