Petropavlda qoǵamdyq kólik jolaqysy qymbattaıdy
PETROPAVL. QazAqparat - Petropavl qalasynda naýryz aıynan bastap qoǵamdyq kóliktegi jol júrý aqysy kóteriledi, dep habarlady «QazAqparat» HAA tilshisi.
Tasymaldaýshylar tıisti ótinimdi berip qoıdy. «SQO Avtokólik odaǵy» qaýymdastyǵynyń tóraıymy Galına Semenovanyń aıtýynsha, tarıf barlyq esep boıynsha 105 teńgege deıin ulǵaıýy tıis. Buǵan barlyq shyǵyndar, qyzmetkerlerdiń jalaqysyn kóterý de kirdi.
«Qalalyqtar úshin bul soma qaltalaryna aýyr soǵatynyn túsinemiz. Sondyqtan da kelisýde jolaqy 80 teńgege usynyldy. Bul soltústik óńir úshin ortasha baǵa», - dedi Galına Semenova.
Qazirgi jolaqy 65 teńge. Kelisýdiń barlyq qajetti rásimderi aıaqtalǵan soń, tarıf 10 naýryzdan bastap qymbattaıdy.
Aıta ketrlińgi, qazir Petropavlda jolaýshylar tasymaldaıtyn 11 kompanııa bar. Kún saıyn qala kóshelerine 300-den astam qoǵamdyq kólik shyǵady.
