Petropavlda qoǵamdyq kólik urlandy
PETROPAVL. QazAqparat - Petropavldaǵy ekinshi polıtsııa bólimshesiniń qyzmetkerleri avtobýsty aıdap ketý áreketi boıynsha qylmystyq istiń tergeý jumystaryn júrgizýde, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Polıtsııaǵa túsken habarlama boıynsha, «ıÝventa» qonaq úıiniń mańyndaǵy turaqtan tún mezgilinde №101 baǵytyndaǵy avtobýsty aıdap áketken. Qaskúnem salonǵa kirip, avtobýsty otaldyrǵan, keıinnen belgisiz jaqqa baǵyt alǵan.
Polıtseıler jedel-izdestirý is-sharalar keshenin júrgizip, vıdeobaqylaý kameralaryndaǵy taspalardy zerttedi. Birneshe saǵat ótkennen keıin avtobýs «Bereke» mólteka ýdanynan tabyldy. Qaskúnemdi taǵy bir táýlik izdegen.
Nátıjesinde, 26 jasar Petropavl turǵyny avtobýsty urlaý áreketi boıynsha kúdikti dep tanyldy. Onyń buryn birneshe ret múliktik qylmys jasaǵany úshin sottalǵany anyqtaldy. Ol avtobýsty mas kúıinde buzaqylyq jasap aıdap ketken.
Osy derek boıynsha QR QK 200-baby boıynsha sotqa deıingi tergeý jumystary júrgizilýde.
