Petropavlda qoǵamdyq kólik 50 paıyzǵa jańartylady
PETROPAVL. QazAqparat – Petropavldyń qoǵamdyq kóligi 50 paıyzǵa jańartylady, alǵashqy 7 avtobýs búgin paıdalanýǵa berildi, dep habarlaıdy QazAqparat tilshisi.
Soltústik Qazaqstan oblysy ákimi baspasóz qyzmetiniń málimetinshe, Petropavl qalalyq avtobýs parkin jańartý boıynsha joba júzege asyp jatyr. Jańa kólikterdiń alǵashqy legi búgin reıske shyqty.
«ıÝtong» markali avtobýstar elimizde qurastyrylǵan. Kólikterdiń uzyndyǵy – 8,5 jáne 10 metr, ıaǵnı 51 jáne 66 jolaýshyǵa shaqtalǵan. Óńir basshysy Qumar Aqsaqalov jańa avtobýstardyń ishine kirip kórdi. Barlyq standarttarǵa saı keletin bul kólikter eń bastysy – jyly, soltústiktiń sary aıazyna tótep beredi. Avtobýstyń salonynda 6 jylytý radıatory bar, kondıtsıoner qoıylǵan. Múmkindigi shekteýli jandarǵa arnalǵan pandýs bar.
Sondaı-aq qazirgi tańda asa ózekti – dezınfektsııalaý júıesi – ýltrakúlgin shamdar ornatylǵan.
Qazir oblys ortalyǵynda 200-den astam qoǵamdyq kólik júredi. Jospar boıynsha onyń teń jartysy aýystyrylmaq.
Qazir qaladaǵy baǵdarǵa 200 avtobýs shyǵady. Osylaısha, avtobýs parkiniń 50% jańartylady.
«Oblys ortalyǵynda qoǵamdyq kólikte júrý baǵasy ózgerissiz qalady. Jalpy, kommýnaldyq qyzmetterge tarıfter jańa jyldan bastap kóterilgen joq», - dedi Qumar Aqsaqalov.
