Petropavlda qoǵamdyq monshanyń qazandyǵy jarylyp, bir adam qaıtys boldy

PETROPAVL. KAZINFORM – Petropavldaǵy Jumysshy kentinde ornalasqan qoǵamdyq monshada bolǵan jarylystan jaraqat alǵan er adam aýrýhanada qaıtys boldy.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, oqıǵa 3 naýryz kúni bolǵan. 112 telefon nómirine saǵat 11.20 mınýt ketkende Petropavldaǵy qoǵamdyq monshanyń shatyry opyrylyp qulaǵandyǵy týraly habar kelip túsken. Bir qabatty ǵımarattyń 30 sharshy metri zaqymdanǵan. 

Qoǵamdyq monsha shatyrynyń qulaýyna qatty otynmen janatyn qazandyqtyń jarylýy sebep bolǵan. Saldarynan 1983 jyly týǵan pesh jaǵýshy qatty kúıik aldy. Ol birden aýrýhanaǵa jetkizildi. Apat bolǵan kezde monshada basqa eshkim bolmaǵan. 

SQO densaýlyq saqtaý basqarmasy baspasóz qyzmetiniń málimetinshe, er adamnyń denesiniń 80 % kúıik shalǵan. Dárigerler onyń ómiri úshin kúreskenimen, 7 naýryzda qaıtys boldy.