Petropavlda «Qyzyljar» FK burynǵy bas býhgalterine sot úkimi shyqty

PETROPAVL. KAZINFORM — Petropavlda «Qyzyljar» fýtbol klýbynyń burynǵy bas býhgalteri, 63 jastaǵy Olga Zamelatskaıaǵa sot úkimi shyǵyp, ol 7,6 jylǵa bas bostandyǵynan aıyryldy.

Aıyptaýshy taraptyń nusqasyna sáıkes, ol 2023 jyldan bastap jalǵan qujattar jasaý arqyly qarjylyq zańbuzýshylyqtarǵa jol bergen. Zamelatskaıa Qazaqstan Respýblıkasy Qylmystyq Kodeksiniń 189-bap, 4-bólim, 2-tarmaǵy jáne 245 baptyń 3-bólimi boıynsha aıyptaldy. ıAǵnı senip tapsyrǵan múlkin zańsyz ıemdenip, memleketke nemese uıymǵa óte iri kólemde zııan keltirý jáne salyqtar men bıýdjetke tólenetin basqa da mindetti tólemderdi tóleýden jaltarý.

Osy qylmystyq iske qatysty sot otyrysy byltyr shilde aıynda bastalǵan edi. Petropavl qalalyq soty Zamelatskaıany kináli dep taýyp, eshqaıda ketpeý týraly qolhatty sot zalynan qamaýǵa alý jazasyna aýystyrdy. 

Sot úkimi boıynsha fýtbol klýbynyń burynǵy bas býhgalteri endi aldaǵy 7 jyl 6 aıyn Qylmystyq atqarý júıesiniń ortasha qaýipsizdik mekemesinde ótkizedi. Sondaı-aq ony kommertsııalyq jáne memlekettik uıymdarda materıaldyq jaýapkershiligi bar jáne basqaratyn laýazymdarǵa ornalasý quqyǵynan 7 jylǵa aıyrdy. 

Budan bólek sottalýshydan «Fýtbolnyı klýb „Qyzyl-Jar SK“  JShS-ne 67 mln 225 myń teńge materıaldyq shyǵyn óndiriledi. Buǵan qosymsha fýtbol klýby ókiliniń advokat úshin shyǵyny — 3 mln teńge jáne Soltústik Qazaqstan oblystyq memlekettik kirister departamentine 287 mln 163 myń teńge materıaldyq shyǵyn óndiriledi. Sondaı-aq 10 mln 721 myń teńge memlekettik baj salyǵyn qaıtarýy tıis.

Esterińizge salaıyq, Petropavlda «Qyzyljar» fýtbol klýbynyń basshylyǵy men fýtboldan ulttyq quramanyń bas bapkeri Álı Álıev arasyndaǵy daý-damaı sotqa deıin jetken edi.