Petropavlda qyzdar páterde erotıkalyq massaj qyzmetin kórsetip kelgen
Petropavlda erotıkalyq dene massajy qyzmetin kórsetken páter anyqtaldy. Bul jerde 20-21 jastaǵy eki boıjetken jumys istegen, dep habarlaıdy Kazinform.
Soltústik Qazaqstan oblysy polıtsııa departamenti baspasóz qyzmetiniń málimetinshe, uıymdasqan qylmysqa qarsy kúres basqarmasyna Petropavldaǵy Abaı kóshesindegi kópqabatty úılerdiń birinen habar túsken.
Onda páterde erotıkalyq dene massajy qyzmeti kórsetiletini aıtylǵan.
«Stop-trafık» jedel-profılaktıkalyq jedel-izdestirý is-sharalary barysynda turǵyn úıdiń páterinde 46 jastaǵy ákimshi áıel, sondaı-aq 21 jáne 22 jastaǵy eki boıjetken ustaldy.
Bul páterde olar aqsha úshin erotıkalyq dene massajyn isteıtini belgili boldy.
Osy fakt boıynsha ákimshige qatysty QR ÁQBtK 450-babynyń 1-bóligi boıynsha materıal jınaldy.
Atalǵan baptyń sanktsııasy jeke jáne laýazymdy tulǵalarǵa 100 AEK mólsherinde aıyppul salýdy kózdeıdi.
