Petropavlda kitap stellajy, fýtbol qaqpasy beınesindegi aıaldamalar ornatylady
PETROPAVL. QazAqparat - Petropavl qalasynyń ákimi Marat Tasmaǵanbetov qalanyń aldaǵy ýaqytta qalaı ózgeretini týraly aıtyp berdi, dep habarlaıdy «QazAqparat» HAA tilshisi.
Oblys ortalyǵy basshysynyń aıtýynsha, Petropavldyń 10 kóshesine jóndeý jumystary júrgizilmek. 23 shaqyrymǵa sozylǵan bordıýr aýystyrylyp, «jasyl tolqyn» datchıkteri bar17 baǵdarsham, 211 jol belgisi ornatylady. Sonymen qatar, alańǵa 42 myń «sharshy» kógal-shóp otyrǵyzylyp, 221 myń sharshy metr jaıaý jol jóndelip, asfalt jańartylady.
35 shaqyrym kóshe shamdaryn aýystyrý boıynsha jobalyq smetalyq qujattar daıyndalyp, 51 aıaldama pavılony jańartylady.
«Pýshkın kitaphanasynyń janyna kitap stellajy túrinde, Sport saraıynyń mańaıyna hokkeı qaqpasy beınesinde, «Jastar» stadıony mańynda fýtbol qaqpasy túrindegi aıaldamalar ornatylady. Osyndaı aıaldamalar osy ekeýimen ǵana shektelmeıdi, qalanyń birneshe jerine qoıylady. », - dedi M.Tasmaǵambetov.
Kóktemde Petropavl qalasyna 5,6 myń qaraǵaı kóshetteri men 35 myń metr kóleminde «jasyl dýal» túrindegi óskinder egiledi.
«Ártúrli túske ıe óskinderdi paıdalanýmyz kerek. Bul qala landshaftymen úılesim tabýy tıis. Qala kóshelerindegi barlyq zańsyz saýda toqtatylady. Eskirgen jarnamalardyń barlyǵy alynyp tastalýy kerek», - dedi oblys ákimi Qumar Aqsaqalov.
