Petropavlda kenetten jol opyrylyp eki kólik shuńqyrǵa túsip ketti
ASTANA. QazAqparat - Petropavl qalasynda eki kósheniń qıylysyndaǵy jol opyrylyp túsip, eki kólik shuńqyrǵa qulady, dep habarlaıdy «QazAqparat» HAA tilshisi.
«4 qazan kúni saǵat 17:00-der shamasynda Mıra men Krepostnoı kósheleriniń qıylysyndaǵy jol opyrylyp tústi. Boljamǵa sáıkes, buǵan jer astyndaǵy jylý júıesi magıstraliniń zaqymdanýy sebep bolǵan. Sol jerde paıda bolǵan shuńqyrǵa 2 avtokólik túsip ketti», - delingen SQO ІІD taratqan habarlamada.
Polıtsııa deregi boıynsha shet el kóliginiń biri shuńqyrdan óz kúshimen shyǵyp ketken. Zardap shekkender joq. Tártip saqshylary atalǵan aýmaqty qorshap, jol qozǵalysyn retteýge kirisken. Al, kommýnaldyq qyzmettiń jumysshylary joldy qalpyna keltirý jumystaryn júrgizip jatyr.
