Petropavlda kelesi aptada jylytý maýsymy aıaqtalady
PETROPAVL. KAZINFORM – Petropavlda 22 sáýirden bastap jylytý maýsymy aıaqtalmaq. Qalalyq ákimdik tıisti qaýlyny shyǵardy.
«Sevkazenergo» AQ baspasóz qyzmetiniń málimetinshe, jylytý maýsymyn aıaqtaý úshin táýliktik ortasha temperatýra 3-5 kún boıy +10 gradýstan joǵary turýy kerek.
Turǵyn úıler jylýdan kezekpen, 10 kún boıy ajyratylady.
«Bul júıeniń tepe-teńdigin saqtaý maqsatynda júzege asyrylady. Turǵyn úılerdiń PIK tóraǵalary ysyrmalardy jaýyp, úıde ystyq sý bolǵan kezde júıeni jazǵy jumys rejımine aýystyrýy kerek, sodan keıin páterlerdegi jylytý radıatorlary 2-3 saǵat ishinde salqyndaıdy.
Jylytý maýsymy aıaqtalǵannan keıin "Petropavl Jylý Jelileri" JShS jylý tasymaldaǵyshtyń eń joǵary temperatýrasyna synaq júrgizýdi bastaıdy. Birinshi kezeń maýsym aıyna josparlanǵan» delingen habarlamada.
Petropavl mektepterinde ornalasqan evakýatsııalyq pýnktterdi jylýmen qamtamasyz etý jalǵasady.
Mekemelerdiń ózderi temperatýralyq rejımdi rettep otyrady.
Buǵan deıin Petropavlda krannan aqqan sýdyń sapasy jaqsarǵanyn aıtqan edik.
