Petropavlda qaıyrymdylyq aktsııasynda jarty mıllıonnan astam teńge jınaldy
Aımaqtaǵy belgili fotograftar tórt saǵattyń ishinde fototúsirilim marafonyn ótkizdi. Petropavl kondıterleri qonaqtarǵa arnap tátti dámder, lımonadtar, sútti kokteılder, kofe jáne shaı ázirledi. Barlyq ónimderdiń baǵasy ashyq túrde boldy: aktsııaǵa qatysýshylar ornatylǵan qoraptarǵa qansha aqsha salatyndyǵyn ózderi sheshti. Sýretshi Anna German kishkentaı qonaqtar úshin magnıtterge qoltańba jasaýdan sheberlik synyptaryn ótkizdi. Qaıyrymdylyq aktsııasyna qatysqysy kelgender úshin Petropavl ákimdigi tegin avtobýs baǵyttaryn uıymdastyrdy. «Qaıyrymdy jaz» aktsııasyna barlyǵy elý uıym qoldaý kórsetti. Tórt saǵattyń ishinde 539 myń teńge jınaldy. Jınalǵan qarajattyń barlyǵy «Hand4kids» qorynyń qamqorlyǵyndaǵy muqtaj balalardyń qajettiligin óteýge jumsalady. Óńirlik OKQ-iniń málimetinshe, qor qaramaǵynda 7 petropavldyq otbasy bar.