Petropavlda qaıyǵy aýdarylyp qalǵan balyqshy qutqaryldy
PETROPAVL. QazAqparat – Soltústik Qazaqstan oblysynda qutqarýshylar 36 jastaǵy er adamdy der kezinde sýdan alyp shyqty, dep habarlaıdy «QazAqparat» HAA tilshisi.
Tótenshe jaǵdaılar departamenti baspasóz qyzmetiniń málimetinshe, petropavldyq azamat erte tańerteń Pestroe kóline balyq aýlaýǵa shyqqan. Ol arty dál oqys oqıǵaǵa urynatynyn bilgen joq.
Sol kúni №2 qutqarý stansasynda Rýslan Aqpasov pen Almas Jakın kezekshilik etti. Olar kóldiń qarama-qarsy jaǵasynan kómek surap shaqyrǵan daýysty estip, motorly qaıyqpen birneshe mınýttyń ishinde oqıǵa ornyna jetken.
«Er adam sýdan shyǵýǵa tyrysyp, álsirep qalǵan. Joly bolǵanda, qaıyqtyń búıirinen ustap úlgergen. Qutqarýshylar ony qutqaryp, qaıyqpen birge jaǵaǵa alyp shyqqan, sondaı-aq, alǵashqy kómek kórsetti. Birazdan soń balyqshy úıine qaıtty», - delingen habarlamad.
Er adam qaıyqpen durys júzbegendikten sýǵa qulaǵan. Onyń qutqarý keýdeshesi bolmaǵan.
Jyl basynan beri soltústikqazaqstandyq qutqarýshylar 25 adamdy sýǵa ketýden aman alyp qalǵan. Sonyń ishinde 17 bala bar. Alaıda 25 adam sýǵa ketip kóz jumdy, olardyń 4-ýi – bala. Balyq aýlaý kezinde 3 adam sýǵa batyp ketti.
Avtory Olesıa Jýkoven
