Petropavlda qaıtarylǵan aktıvter esebinen zamanaýı balabaqsha ashyldy
PETROPAVL. KAZINFORM – Soltústik Qazaqstan oblysynyń prokýratýra organdary memleketke qaıtarǵan qarajatqa Petropavlda jańa balabaqsha ashyldy.
SQO prokýratýrasynyń málimetinshe, eki qabatty ǵımarattyń jalpy aýdany 3 myń sharshy metr. Mektepke deıingi bilim berý mekemesi joǵary standarttarǵa saı salynǵan.
Munda bilim berýdiń basty ereksheligi - ár topta jasandy ıntellekt elementteri bar júıeler engizilgen. Interaktıvti tehnologııalar búldirshinderge sabaqtardy oıyn túrinde ótkizýge múmkindik beredi, olardyń jan-jaqty damýyn qamtamasyz etedi.
Prokýratýra ókilderiniń aıtýynsha, jobalaý jáne nysandy salý kezinde balalardyń qaýipsizdigi men jaılylyq talaptary birinshi orynǵa qoıyldy.
Búgingi tańda oblysta qaıtarylǵan aktıvter esebinen bilim berý, densaýlyq saqtaý jáne kommýnaldyq sharýashylyq salalarynda 39 áleýmettik joba júzege asyrylyp jatyr.
Bul jobalardyń oryndalý barysyn SQO prokýratýrasy baqylaýǵa alǵan.
Buǵan deıin SQO-daǵy Birlik aýylyna qaıtarylǵan aktıvter esebinen aýyz sý tartylǵanyn jazǵan edik.
