Petropavlda qatty jyldamdyqpen kele jatqan jeńil kólik aýdarylyp ketti
PETROPAVL. QazAqparat – Petropavlda qatty jyldamdyqpen kele jatqan jeńil kólik júrgizýshisi rýlge ıe bola almaı qalyp, aýdarylyp qaldy, dep habarlaıdy QazAqparat tilshisi.
Áleýmettik jelide aýdarylyp jatqan jeńil kóliktiń sýretteri tarady. Birer metr jerde turǵyn úı ornalasqan. Turǵyndardyń aıtýynsha, «Oıqala» aýdanynyń osy bir tusynda jol-kólik oqıǵalary jıi bolyp turady.
Petropavl qalalyq polıtsııa basqarmasy osy oqıǵaǵa qatysty túsinik berdi.
«5 qazan saǵat 23.17 mınýt ketkende «102» jedel arnasyna kýágerlerden Smırnov kóshesindegi 80 úıdiń mańynda jeńil kóliktiń tóńkerilip qalǵandyǵy jóninde aqparat tústi.
Aldyn ala materıal jınaý barysynda «Mitsubishi Diamante» kóligi júrgizýshisiniń rýlge ıe bola almaı qalǵandyǵy anyqtaldy. Ol jyldamdyqty tıisti mólsherden asyryp jibergen. Zardap shekkender joq, kólik salonynda tek júrgizýshi ǵana bolǵan», - delingen habarlamada.
Jol-kólik oqıǵasyna baılanysty ákimshilik quqyq buzýshylyq boıynsha is qozǵaldy. Materıal Petropavl qalasynyń mamandandyrylǵan ákimshilik sotyna protsessýaldyq sheshim shyǵarý úshin jiberiledi.
