Petropavlda kásipkerlerge arnalǵan qyzmet kórsetý ortalyǵy ashyldy
PETROPAVL. QazAqparat –Petropavlda bızneske qyzmet kórsetý ortalyǵy jumysyn bastady, dep habarlaıdy QazAqparat tilshisi.
«Azamattarǵa arnalǵan úkimet memlekettik korporatsııasy» KEAQ SQOF baspasóz qyzmetiniń málimetinshe, qujattardy qabyldaý oblys ákimdikteriniń aldyn ala usynǵan tizimine sáıkes júzege asyrylady. Ol tizimge nesıeleý boıynsha oń sheshim alǵan uıymdar kiredi. Bul ortalyq tek bızneske qyzmet kórsetý úshin ǵana jumys isteıdi. Oblys turǵyndary memlekettik qyzmetterdi burynǵysynsha onlaın túrde ala beredi.
«Búgingi tańda memlekettik qyzmetterdiń 87% elektrondyq úkimet portaly arqyly qoljetimdi, sondaı-aq qajetti anyqtamalardy eGov Mobile mobıldi qosymshasy jáne telegramdaǵy egovkzbot2.0 boty, Facebook jáne Vk áleýmettik jelileriniń chattary arqyly alýǵa bolady», - deıdi baspasóz hatshysy Ernazar Nurǵalıev.
Memlekettik qyzmetti sapaly alý úshin kásipkerler tıisti qujattardyń tolyq paketin usynýy qajet. Sondaı-aq halyqqa qyzmet kórsetý ortalyǵynda maska rejımin saqtaý kerek. Sanıtarlyq-epıdemıologııalyq talapqa saı fılıal qyzmetkerleri de maska men qolǵapta jumys isteıdi. Kásipkerlerge qyzmet kórsetetin HQO Petropavldaǵy Áýezov kóshesindegi 157 úıde ornalasqan. Dúısenbiden jumaǵa deıin saǵat 9:00-17:00 aralyǵynda jumys isteıdi.
Buǵan deıin dál osyndaı HQO Almaty men Pavlodar qalalarynda ashylǵan edi.
Jaqynda oblystyq shtabtardyń sheshimimen zańdy tulǵalarǵa qyzmet kórsetetin ortalyqtar Qazaqstannyń ózge qalalarynda da ashylmaq.
