Petropavlda kásipker 3 myń lıtrden astam alkogol ónimin zańsyz satpaq bolǵan

PETROPAVL. QazAqparat – Petropavlda jaýapkershiligi shekteýli seriktestikterdiń biriniń qoımasynan 3 myń lıtrden astam kontrafaktilik alkogol ónimderi jáne 653 blok temeki tabylyp, tárkilendi, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, petropavldyq polıtseıler SQO boıynsha ekonomıkalyq tergeý departamentiniń qyzmetkerlerimen birge kontrafakt ónimdi tárkiledi. Tekseris barysynda qaladaǵy JShS-tiń biriniń qosalqy bólmesinen gradýsy joǵary spırttik ishimdik quıylǵan bes lıtrlik 226 plastıkalyq bótelke tabyldy. Sondaı-aq 1,5 myń bir jarym lıtrlik bótelkelerdegi syra, 653 blok temeki alyndy.

«Lıtsenzııalanbaǵan ónimder tutynýshylardyń densaýlyqtaryna jáne ómirlerine qaýip tóndirýi múmkin. Mundaı ónimderdiń sapasyna eshkim jaýap bermeıdi. Ony saqtaý jáne tasymaldaý jaǵdaılary baqylanbaıdy, bul ónimniń sapasyna keri áserin tıgizýi múmkin. Kásipkerlerden jumystaryn zańnamalyq normalar sheńberinde júrgizýdi suraımyz», - deıdi Petropavl qalalyq polıtsııa basqarmasy bastyǵynyń birinshi orynbasary Álibek Ǵabdýllın.

SQO polıtseıleri jyl basynan zańsyz aınalymnan barlyǵy 1,5 myń lıtrden astam alkogoldik ónim aldy.