Petropavlda qashyqtan oqýǵa jiberilgen synyptardyń sany artty

PETROPAVL. KAZINFORM – Petropavlda 161 oqýshynyń jiti respıratorly vırýsty ınfektsııamen (JRVI) aýyrýyna baılanysty 15 synyp onlaın oqytý formatyna kóshirildi.

Petropavl qalalyq bilim bóliminiń málimetinshe, QR Densaýlyq saqtaý mınıstrliginiń «2025–2026 jylǵy epıdemııalyq maýsymda tumaýǵa, jedel respıratorlyq vırýstyq ınfektsııalarǵa (JRVI) jáne COVID-19 koronavırýs ınfektsııasyna qarsy sanıtarııalyq-indetke qarsy, sanıtarııalyq-profılaktıkalyq is-sharalardy júrgizý týraly» qaýlysyna sáıkes synyptar qashyqtan oqytýǵa jiberildi.

Petropavldaǵy M. Jumabaev atyndaǵy IT-mektep-lıtseıden keshegi kúni úsh synyp onlaın formatqa kóshse, búgin olardyń qataryna taǵy úsh synyp qosyldy. Qazir qashyqtan oqýǵa ketken synyptarda 61 bala aýyryp jatyr.

Petropavldaǵy №4 orta mektepte tórt synypta aýyrǵan balalar sany 47-ge jetti.

Petropavldaǵy Birinshi gımnazııanyń eki synybynda oqýshylardyń teń jartysy aýyryp, olar da onlaın oqyp jatyr.

Búginnen bastap ál-Farabı atyndaǵy mektep-lıtseıdiń 1-synyby jáne Á.Bókeıhan atyndaǵy №25 mekteptiń eki 9-synyp oqýshylary qashyqtan oqytý formatyna kóshirildi.

Buǵan deıin elimiz boıynsha 3091 synyp qashyqtan oqýǵa kóshirilgenin jazǵan edik.

Sondaı-aq mınıstr Álnazarova bastaýysh synyptar qandaı jaǵdaıda qashyqtan oqýǵa kóshetinin aıtty.

SQO-da «gonkong tumaýyn» juqtyrǵandar sany kóbeıip bara jatqanyn da jazǵan edik.