Petropavlda káriz qudyǵynyń janynan áıeldiń máıiti tabyldy
PETROPAVL. KAZINFORM — Qazir osy oqıǵaǵa baılanysty sotqa deıingi tergeý júrip jatyr.
Soltústik Qazaqstan oblysy polıtsııa departamenti baspasóz qyzmetiniń málimetinshe, áıeldiń múrdesi 27 tamyz kúni Petropavldaǵy Taýfık Muhamedrahımov kóshesindegi káriz qudyǵynyń mańynan tabylǵan. Máıit biraz ýaqyt jatyp qalǵandyqtan, ázirge onyń jeke basyn anyqtaý múmkin bolmaǵan.
— Turǵylyqty mekenjaıy joq áıel dep aıtýǵa bolmaıdy. Óıtkeni múrdeniń janynan telefon men kiltter tabyldy. Boljam boıynsha, marqum buǵan deıin joǵalyp, izdeý jarııalanǵan áıel bolýy múmkin. Alaıda bul — qarastyrylyp jatqan nusqalardyń biri ǵana. Oqıǵanyń barlyq mán-jaıy anyqtalatyn bolady, — deıdi tártip saqshylary.
Buǵan deıin Túrkistan oblysynda sýǵa ketken eki adamnyń biriniń denesi tabylǵanyn jazǵan edik.
