Petropavlda káriz kollektory jarylyp, aǵyndy sý úılerge kirdi
Petropavlda negizgi káriz kollektorlarynyń biri jarylyp, aǵyndy sý jaqyn mańdaǵy kópqabatty úılerdiń jertólelerine kirdi. Qazirgi ýaqytta apat ornynda eki brıgada jumys istep jatyr, dep habarlaıdy Kazinform.
Petropavlda kommýnaldyq apat keshe, 18 qazan kúni Abaı jáne Áýezov kósheleriniń qıylysynda boldy. Saldarynan Abaı kóshesin sý basty, aqqan sý jaqyn mańdaǵy kópqabatty úılerdiń jertólelerine de kirdi.
«Qyzyljar Sý» JShS baspasóz qyzmetiniń málimetinshe, oqıǵa ornyna birden 4 brıgada jiberilip, saldaryn joıýǵa kiristi. Mamandardyń aıtýynsha, dıametri 800 mm negizgi káriz kollektorlarynyń biri jarylǵan. Aldyn ala boljam boıynsha, qubyrdyń ábden tozyǵy jetken.
Qazirgi ýaqytta oqıǵa ornynda eki brıgada jumys istep jatyr. Olar qubyrdyń jarylýyna ne sebep bolǵanyn anyqtap, qalypqa keltirmek.
Posmotret etý pýblıkatsııý v Instagram
