Petropavlda qarýmen adam qorqytyp, aqsha bopsalaǵan úsheý 4,8 jylǵa sottaldy

PETROPAVL. KAZINFORM – Qylmyskerler 42 jastaǵy qala turǵynyna oq atyp, 1 mln teńge aqsha talap etken.

Soltústik Qazaqstan oblysy polıtsııa departamenti baspasóz qyzmetiniń málimetinshe, jábirlenýshini qylmyskerlerdiń biri tańdaǵan. Óıtkeni bir kezderi olardyń aralarynda daý-janjal bolǵan. Olar jábirlenýshi er adamnan aqshany eń birinshi ret naýryz aıynda soqqynyń astyna alyp talap etken. Keıin sáýir aıynda onyń avtokóligin shına jınaqtaý pýnktinde baıqap qalyp, taǵy da aqsha talap etken. Er adam qashyp qutylmaq bolǵanda, olar sońynan qýyp, qylmyskerlerdiń biri sońynan gazdy tapanshadan birneshe ret oq atqan.

Uıymdasqan qylmysqa qarsy kúres basqarmasynyń qyzmetkerleri qylmyskerlerdi ótken jyldyń kókteminde, tabıǵı apatqa baılanysty óńirde tótenshe jaǵdaı jarııalanǵan kezeńde ustady. Petropavldyqtyń ekeýi 29 jasta bolsa, 31 jastaǵysy buryn buzaqylyq pen tonaý úshin isti bolǵan eken.

Sot úkimimen úsheýi de qarý qoldaný arqyly qorqytý jáne buzaqylyq jasaǵany úshin kináli dep tanyldy. Sot olardyń árqaısysyn 4 jyl 8 aıǵa bas bostandyǵynan aıyrdy.

Sot úkimi 8 qańtar kúni zańdy kúshine endi.

Buǵan deıin SQO-da memleketke 3 trln teńgeden asa shyǵyn keltirgen kásipkerlerdiń isi sotta qaıta qaralatyndyǵyn jazǵan edik.