Petropavlda qańǵybastarǵa jyly kórpeler taratyldy
PETROPAVL. QazAqparat - Petropavlda «Qyzyl jarty aı» qoǵamynyń qyzmetkerleri qańǵybastardyń jylynyp alýyna arnalǵan oryndarǵa jyly kórpeler alyp keldi, dep habarlaıdy «QazAqparat» HAA tilshisi.
SQO ІІD baspasóz qyzmetinen málim etkendeı, departament basshylyǵynyń bastamasymen ashylǵan úısiz adamdarǵa arnalǵan túngi jylý beketteri Petropavlda úshinshi maýsym jumys istep tur. Qatty aıazdarda atalmysh oryn adamdardy táýlik boıy qabyldaıdy.
«Bul oryn jumys istep jatqan ýaqyttyń ishinde úsik shalý faktileri tirkelgen emes. Munda qoǵamdyq uıymdardyń, qaıyrymdylyq qorlarynyń kómegimen turaqty mekenjaıy joq adamdarǵa tamaq beriledi», - dedi SQO ІІD bastyǵynyń orynbasary Dýman Taev.
«Qyzyl jarty aı» qoǵamy SQO-daǵy bólimshesiniń dırektory Sáýle Orazova jyly kórpelerdiń túngi jylý beketindegi adamdardyń qajetine jaraıtynyna senimdi.
Baspasóz qyzmetinde atap ótkendeı, polıtseıler aıazdy kúnderi aýyldardy, oblys ortalyǵyndaǵy jer úıler aýmaǵyn erekshe baqylaýǵa alady.
