Petropavlda kanalǵa batyp ketken er adamnyń múrdesi tabyldy
PETROPAVL. QazAqparat - Petropavlda birneshe kún buryn kanalǵa batyp ketken er adamnyń múrdesi tabyldy, dep habarlaıdy QazAqparat tilshisi.
SQO TJD baspasóz qyzmetiniń málimetinshe, Petropavldaǵy №2-shi jylý elektr ortalyǵy mańyndaǵy kanaldan 31 jastaǵy er adamnyń denesi tabyldy. Qutqarýshylardy jigittiń batyp ketkendigi jóninde polıtsııa habardar etken. Sýǵa ketken adamdy izdeý jumystary sáýirdiń 27-si kúni tańerteńnen bastaldy. Oǵan 7 maman, 2 tehnıka jáne 1 júzý qurylǵysy jumyldyryldy.
Sáýirdiń 29-y, túski ekiler shamasynda er adamnyń múrdesi tabyldy. Máıit sot-medıtsınalyq saraptamaǵa jiberildi. Mamandardyń aıtýynsha, denede zorlyq-zombylyq belgileri bolmaǵan. Qazir ólim jaǵdaıy anyqtalýda. Qutqarýshylar sýdaǵy qarapaıym qaýipsizdik erejelerin saqtaý qajettigin eskertedi.
