Petropavlda kameralar 10 myń quqyq buzýshylyqty túsirip alǵan
PETROPAVL. QazAqparat - Petropavlda áýejaı men vokzaldy qosa eseptegende 74 beınebaqylaý kamerasy ornatylǵan, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Orta eseppen ár eki-úsh kún saıyn olardyń kómegimen qylmystyq ister áshkerelenýde.
«Taıga» saýda úıindegi turaqqa kóligin qoıǵan Jambyl aýdanynyń turǵyny mashınada sómkesin qaldyryp ketedi. Sol sómke buryn urlyq jasaǵany úshin isti bolǵan 36 jastaǵy Petropavl turǵynyn qyzyqtyrady. Salonǵa kirip, ishinde jalpy somasy 50 000 teńgeni quraıtyn qarjy, eki altyn júzik pen basqa da baǵaly zattar salynǵan sómkeni qoldy etedi. Kóp uzamaı kýágerlerdiń habarlaǵan belgilerine uqsaıtyn adam vıdeobaqylaý kameralaryna túsip qalady. Onymen birge urlanǵan baǵaly zattar da tabyldy», - dep mysal keltirdi polıtsııa vedomstvosynyń baspasóz qyzmeti.
SQO ІІD jedel josparlaý basqarmasynyń bastyǵy polıtsııa polkovnıgi Erbol Bekturovtyń aıtýynsha, jyldyń basynan beri vıdeobaqylaý kameralarynyń kómegimen 88 qylmystyq is ashylǵan.
Petropavl ІІB JBO mamandary 9896 jol qozǵalysy erejesiniń, abattandyrý erejesiniń jáne basqa da ákimshilik quqyq buzýshylyqtardy anyqtady.
