Petropavlda qalyń qar jaýdy
PETROPAVL. QazAqparat - Petropavlda bir túnde 7-8 mm jaýyn-shashyn jaýǵan, dep habarlaıdy QazAqparat tilshisi.
Petropalda bir túnde joldar men aýlalar qar jamylǵysyna orandy. «Qazgıdromet» RMK Soltústik Qazaqstan oblystyq bólimshesiniń deregi boıynsha, qalada túnde 7-8 mm jaýyn-shashyn jaýǵan. Oblys boıynsha 2-13,6 mm bolǵan.
«Jeltoqsannyń aıaǵynda jaýyn-shashyn mólsheri 9 mm bolýy tıis. Bir aıdyń ishinde ortasha kópjyldyq kórsetkish 30 mm qurap otyr», - dep atap ótti «Qazgıdromet» RMK bólimi basshysynyń orynbasary Natalıa Levına.
Budan buryn sınoptıkter soltústikqazaqstandyqtarǵa kún jylynyp, jaýyn-shashyn jaýatynyn jáne qatty jel soǵyp, kóktaıǵaq bolatynyn eskertken edi.
Petropavldaǵy kommýnaldyq tehnıka kúsheıtilgen rejimde jumys istep jatyr. Qalalyq TShK, jolaýshylar kóligi jáne avtomobıl joldary bólimi baspasóz qyzmaetiniń aqparaty boıynsha, kún saıyn kóshege 50 tehnıka men 190 adam shyǵyp jatyr.
