Petropavlda qalta urlyǵyn kásip etken eki elordalyq boıjetken ustaldy
PETROPAVL. QazAqparat – Petropavldyń tártip saqshylary jurttyń qaltasyndaǵy aqshasyn urlaǵan Nur-Sultan qalasynyń eki turǵynyn ustady, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, jeltoqsan aıynda Petropavldaǵy saýda nysandarynyń aýmaǵynda birden eki qalta urlyǵy jasalǵan. Belgisiz bireýler satyp alýshylardy «sheberlikpen» tonap, áıelderdiń 15 myń jáne 50 myń teńgesin, qujattary men bank kartasyn alyp ketken. Bul derek Sotqa deıingi tergep-tekserýlerdiń tizilimine «Urlyq» baby boıynsha engizildi.
Polıtseıler jedel tergeý barysynda eki qalta urlyǵyna qatysty kúdiktilerdi anyqtady. 21 jáne 25 jastaǵy eki boıjetken qalany aralap, jurttyń qaltasyn qaǵýdy kásip etken eken. Ekeýi de osyndaı qylmys úshin buǵan deıin sottalǵan. Petropavl polıtseıleri astanaǵa kelip, eki kúdiktini ustady.
«Ekeýi de keltirilgen shyǵynnyń ornyn toltyrýǵa ázir jáne aıtýynsha, istegen isterine ókinedi. Sońǵy kezde qalta urlyǵy umytylyp barady. Oǵan beınekameralardy kóbeıtý sebep. Sondaı-aq profılaktıkalyq is-sharalar da nátıjesin berip jatyr. Byltyr 12 qalta urlyǵy tirkelgen, bul 2019 jylmen salystyrǵanda 33 %-ǵa tómen», - deıdi SQO PD krımınaldyq polıtsııa basqarmasynyń bastyǵy Petr Klımov.
