Petropavlda qalany jańa jyldyq bezendirýge bir tıyn da jumsalmaıdy
PETROPAVL. QazAqparat – Petropavlda dástúr boıynsha bıyl da qalany jańajyldyq bezendirýge bir tıyn da jumsalmaıdy, dep habarlaıdy QazAqparat tilshisi.
Petropavl qalasy turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi baspasóz qyzmetiniń málimetinshe, oblys ortalyǵynda jańajyldyq merekelik is-sharalardy ótkizýge úsh negizgi alań bezendiriledi.
Olar: Tuńǵysh Prezıdent alańy, ortalyq jáne Bereke shaǵyn aýdanyndaǵy alańdar.
Halyq kóp júretin kósheler de nazardan tys qalmaıdy. Jospar boıynsha 22 kóshe qıylysy turǵyndarǵa merekelik kóńil kúı syılamaq.
Bul jerlerge jaryqdıodty arkalar, taqyryptyq shaǵyn sáýlet nysandary jáne muzdan jasalǵan músinder ornatylady.
Al Qazaqstan Konstıtýtsııasy boıyndaǵy aǵashtar gırlıanda – jaltyraýyq shamdarmen bezendiriledi.
«Jańa jyldyń basty nyshany – shyrshalar Petropavlda 17 jeltoqsannan bastap ornatyla bastaıdy. Byltyrǵy shyrshalardy qoldanamyz. Jalpy oblys ortalyǵyn merekelik bezendirýge bıýdjetten bir tıyn da jumsalǵan joq. Muz músinder demeýshilerdiń qarajatyna jasalmaqshy», - deıdi Petropavl qalasy turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń baspasóz hatshysy Ásem Aıtýlova.
