Petropavlda qabyrǵasy opyrylǵan úı: Turǵyndary ýaqytsha páterge ornalastyryldy
PETROPAVL. QazAqparat - Petropavl qalasynyń ákimdigi senbi kúni qabyrǵasy qulaǵan úıdiń turǵyndaryna páter jaldap berdi, dep habarlaıdy QazAqparat tilshisi.
Qalalyq TKSh bóliminiń aqparatyna súıensek, apattyq úıde úsh otbasy turyp jatqan. Olardyń barlyǵy ýaqytsha baspanamen qamtamasyz etildi.
«Ýralskaıa kóshesindegi úı 8 páterden turady. 2015 jyl bul ǵımarat keshendi zertteýler nátıjesinde apattyq úı retinde tanylǵan. Qajetti qujattardy rásimdegen úsh otbasy baspana kezegine turǵan. Qalǵan bes páterde eshkim turmaıdy. Qala ákimdiginen kómek suraǵan úsh otbasy ýaqytsha baspanalarǵa ornalastyryldy», - dep habarlaıdy TKSh.
Turaqty baspana máselesin qala basshylyǵy jýyqta sheshemiz dep ýáde berdi.
Esterińizge sala keteıik, keshe Petropavl qalasyndaǵy Ýralskaıa kóshesinde kúl blogynan salynǵan eki qabatty 8 páterli úıdiń qabyrǵasy opyrylyp qulady. Oqıǵa kezinde úıde 8 adam bolǵan, olardyń ishinde 2 bala bar. Adamdar ǵımarattan qaýipsiz jerge kóshirilip, qos qabatty úı qorshaýǵa alyndy.
Oqıǵadan eshkim zardap shekken joq, qulaǵan qabyrǵanyń jalpy aýdany 10 sharshy metr.
