Petropavlda qabyrǵasy qulaǵan úıdiń turǵyndaryna páter berildi
PETROPAVL. QazAqparat - Osydan bir aı buryn qabyrǵasy qulaǵan apatty úıdiń turǵyndaryna páter berildi, dep habarlaıdy QazAqparat tilshisi.
Maýsym aıynyń basynda Oral kóshesi, 3 úıdiń qabyrǵasy qulap tústi. 1950 jyldary salynǵan úı 2014 jyly apatty dep tanylǵan. Onda 8 páter bar, 5 otbasy turyp jatqan. Barlyǵy ýaqytsha baspanalarǵa kóshirildi. Jańa úı alýǵa kezekteri jyljyǵansha osy úılerde tura beredi.
Azamattardyń resmı qabyldaýynda qala basshysy Marat Tasmaǵambetov oblys ákimine 40-50 úıden turatyn qor ashý týraly usynys bildirdi. Olar osyndaı jaǵdaılarda halyqty shuǵyl kóshirý úshin qajet. Sondaı-aq, Petropavldyń ákimi úıleri apatty bolyp tanylǵan turǵyndarǵa arnalǵan 93 páterli turǵyn úıdiń qurylysyna qajet jobalaý-smetalyq qujattamanyń ázir ekenin jetkizdi.
«Eki jekemenshiktegi qurylys kompanııalary buzýǵa ketetin apatty turǵyn úılerdiń ornyna jer úılerdi salýǵa nıet bildirdi. Biz qaıtalama naryqtaǵy páterlerdi satyp alýshy edik. Al olar qurylysqa qajet qarajatty óz qaltalarynan shyǵarmaqshy. Baǵalarynda qatty aıyrmashylyq joq. Endi qaıtalama naryqtaǵy emes, jańa úılerge qol jetkize alamyz. Komıssııasǵa jer telimderin bersin dep ótinish tastaımyz», - dedi M.Tasmaǵambetov.
Petropavlda 19 úı apatty jaǵdaıda tur. Onda 180 januıa qonystanǵan.
