Petropavlda qabir qıratqan vandaldar izdestirilip jatyr
PETROPAVL. QazAqparat - Petropavlda belgisiz bireýler din qyzmetkerleri jerlengen kóne qabirdi qıratyp jatyr, dep habarlaıdy QazAqparat tilshisi.
Petropavl jáne Býlaev mahallalarynyń din qyzmetkerleri zırat basynda oryn alǵan jaǵdaıǵa alandaýshylyq bildirip otyr. Dinı qaýymnyń músheleri men mahalla ókilderi eskertkishter men taqtalardy ornatý úshin qarjy jınap, úsh jyl qatarynan din qyzmetkerleriniń zıratyn baqylap kelgen. Olardyń aıtýynsha, biraz ýaqyttan beri bul mańda aqylǵa qonymsyz dúnıeler bolyp jatyr. Buzaqylar zıratqa jazý men pentagrammalar qaldyryp, kiresterdi julyp alatyn kórinedi. Sondaı-aq, qaza tapqan adamdardyń esimderi jazylǵan taqtaıshalardy ornynan qozǵaǵan.
Mundaı áreket qabirde qandaı da bir dinı joralǵylar ótkizilýi múmkin ekenin kórsetedi. Sebebi, onda ártúrli belgiler salynyp, janýarlardyń bas súıekteri, maıshamdar men aınalar shashylǵan.
Oqıǵa ornyna polıtseıler shaqyryldy.
«Bul isti sotqa deıingi tergeý amaldarynyń biryńǵaı reestrine engizdik. Jedel izdestirý sharalary júrgiziledi», - dedi Soltústik Qazaqstan oblysy boıynsha Іshki ister departamentiniń baspasóz qyzmetindegiler.
Qylmystyq bap boıynsha mundaı quqyqbuzýshylyqqa 300 AEK kólemindegi aıyppul salynady nemese 75 táýlikke deıin qamaýǵa alý qarastyrylǵan.
