Petropavlda iz-tússiz joǵalyp ketken 6 jasar balanyń denesi tabyldy
ASTANA. QazAqparat - Petropavlda eki kún boıy izdestirilgen 6 jasar Andreı Doroshenkonyń denesi tabyldy, dep habarlaıdy QazAqparat tilshisi SQO ІІD baspasóz qyzmetine silteme jasap.
Departamentten habarlaǵandaı, bala 2 shilde kúni T. Muhamedrahmov kóshesindegi úıdiń aýlasynan joǵalyp ketken.
«Balanyń qaıda ekenin anyqtaý úshin jedel-izdestirý toby quryldy. Ol toptyń quramyna polıtsııa qyzmetkerleri, áskerı jáen TJ qyzmetshileri engen edi. Sonymen qatar, izdeý jumystaryna eriktiler de jumyldyryldy. Aıta keterligi, ol bala budan buryn da úıinen shyǵyp ketip júrgen», - delingen habarlamada.
Іzdeý jumystarynyń nátıjesinde búgin bala turǵan aýmaqtan alys emes jerde - Esil ózeniniń jaǵasynda balanyń óli denesi tabylǵan. Qazirgi ýaqytta balanyń denesi sot-medıtsınalyq saraptamaǵa jóneltildi.
Aıta ketsek, buǵan deıin Petropavlda 6 jasar bala habar-osharsyz ketkeni týraly habarlaǵan bolatynbyz.
