Petropavlda ıtin joǵary qabattan laqtyryp óltirgen áıel aıyppul tóleıtin boldy
PETROPAVL. QazAqparat – Petropavlda ıtin tórtinshi qabattan laqtyrǵan áıel aıyppul tóleıdi, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, 29 sáýir kúni Petropavldyń 45 jastaǵy turǵyny ıtin tórtinshi qabattyń terezesinen laqtyryp jibergen. Áıeldiń soraqy qylyǵyn kórgen kórshileri birden polıtseılerge habarlaǵan.
Tártip saqshylary Hımenko kóshesindegi kópqabatty úıdiń janynda jatqan ıtti veterınarlarǵa jetkizgenimen, spanıeldiń ómirine arasha túsý múmkin bolmady.
«Janýarlarǵa qııanat jasaý» deregi boıynsha sotqa deıingi tergeý júrgizildi. Ittiń ıesi – áıel sol kúni mas bolǵan. 1 maýsym kúni Petropavl qalalyq soty oǵan 10 AEK mólsherinde aıyppul saldy. Bul - shamamen 27 myń teńge. Aıyppuldy bir aıdyń ishinde tólemegen jaǵdaıda áıel qoǵamdyq jumystarǵa jegiledi nemese qamaýǵa alynady», - dedi SQO polıtsııa departamenti bastyǵynyń orynbasary Eńbek Sembın.
