Petropavlda ıt-mysyǵyn durys baqpaǵan 400-den astam adam jazalandy
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavlda jergilikti polıtsııa qyzmeti bóliminiń bastyǵy Aıdyn Aqmaǵambetov qyzmet atqarý barysynda Qazaqstan Konstıtýtsııasy men Gorkıı kósheleriniń qıylysynda ıtti serýendetip júrgen úsh áıeldi baıqaıdy.
Staffordshır tererdiń tumsyǵynda tumyldyryǵy, moınynda baýy bolǵan.
Alaıda polıtsııa qyzmetkerine ıt ıesiniń júris-turysy sezik týdyryp, teksermek bolady. Eki áıel polıtseılerdiń zańdy talabyna baǵynbady.
Nátıjesinde 1984 jáne 1988 jyly týǵan áıelder medıtsınalyq kýálandyrýǵa jetkizildi. Onyń nátıjesi áıelderdiń mas kúıde bolǵanyn kórsetti.
SQO PD kınologııalyq qyzmet ortalyǵynyń qyzmetkerleri ıtti ýaqytsha ortalyqtaǵy torǵa ornalastyrdy.
Áıelder polıtsııa basqarmasyna jetkizilip, olarǵa qatysty QR Ákimshilik quqyq buzýshylyq týraly kodeksiniń 407-2, 434 jáne 667-baptary boıynsha birneshe hattama toltyryldy.
Protsesstik sheshim qabyldaý úshin jınalǵan materıaldar sot organdarynyń qaraýyna jiberildi. Keıin mastyǵy taraǵan áıel ıtin alyp ketti.
Aıdyn Aqmaǵambetovtyń aıtýynsha, jyl basynan Petropavlda janýarlarǵa jaýapkershilikpen qaraý salasyndaǵy zańnamany buzǵany úshin 400-den astam adam jaýapkershilikke tartylǵan.
Apta saıyn ýchaskelik polıtsııa ınspektorlary qalanyń ár bóliginde tekserý jáne túsindirý jumysyn júrgizedi.
Alaıda, naqty quqyq buzýshylyq bolǵan jaǵdaıda hattama toltyrýǵa májbúr.
