Petropavlda halyqaralyq mańyzy bar jol ýchaskesin sý basty

PETROPAVL. KAZINFORM – Petropavl sý qoımasy janynan ótetin «Chelıabi-Novosibir» tas jolyn sý basty.

Osyǵan oraı keshe saǵat 22.00-de kóliktiń barlyq túrlerine bul ýchaskeden ótýge shekteý qoıyldy. Qazir bul jerde mamandar táýlik boıy kezekshilik etip jatyr.

Jeńil kólikter qala ishimen ótip, jolyn jalǵastyra alady. Al júk kólikteri «Peterfeld-Arhangelka-Novokamenka» joly arqyly aınalyp óte alady.

Soltústik Qazaqstan oblysynda sý tasqynynyń ekinshi tolqyny bastaldy. Esil jáne óńirdegi shaǵyn ózenderde sý deńgeıi kóterilip jatyr.

«Qazgıdromet» RMK SQO fılıalynyń málimetinshe, ótken táýlikte Toqsan bı aýylynyń mańynda Esil ózeni 171 sm-ge kóterildi. Qaýipti deńgeıge jetý úshin áli 1 myń sm qajet. Kreşenka aýylynyń mańynda – 56, Sergeevka qalasynyń janynda 45 sm kóterilgen.

Sergeev sý qoımasy bógetiniń jotasynan asyp-tógilý 104 sm-ge jetti. Qazir ol 118% tolǵan. Petropavl sý qoımasynyń da sý deńgeıi kóterilip keledi. Bir táýlikte 10 sm-ge ózgerdi.

Buǵan deıin Petropavl mańyndaǵy saıajaı qoǵamdastyqtarynan turǵyndardyń kóshirilip jatqanyn jazǵan edik.