Petropavlda haker ustaldy

ASTANA. QazAqparat - Petropavl qalasynyń 25 jastaǵy turǵyny arnaıy GSM-qurylǵymen uıaly operatorlyq qyzmet kórsetetin kompanııanyń trafıgin jymqyrǵan, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.

Resmı málimetke sáıkes, bıyl kóktemde Petropavldaǵy polıtsııaǵa bir uıaly operatorlyq qyzmet kórsetetin kompanııanyń ókili aryz jazyp, óz shaǵymynda uıaly baılanystyń trafıkteri jymqyrylǵanyn baıan etken. Boljamǵa sáıkes, urlyqty tehnıka men baǵdarlamalaýdyń tilin biletin sheber jasaǵan. Sodan beri QR QK 205-babyna (Aqparatqa quqyqsyz ený) sáıkes, hakerlerdi izdeý jumystary bastalǵan.

«Qalalyq ІІB-nyń «K» bólimi oblystyq ІІD-niń mamandarymen birlese otyryp, izdestirý sharalaryn júrgizgen. Boljamǵa sáıkes, uıaly telefonnyń trafıgi arnaıy tehnıkalyq qurylǵymen baqylanǵan. Polıtsııa qyzmetkerleriniń izdeý amaldarynyń nátıjesinde Petropavldaǵy úılerdiń birinen GSM-qurylǵynyń bary anyqtaldy. Dál sol úıde eshqaıda jumys istemeıtin, joǵary bilim bar 25 jastaǵy kúdikti ustaldy», - delingen ІІD habarlamasynda.

Tergeý amaldarynyń nátıjesinde jigitten ár túrli modeldegi uıaly telefondar men GSM-shlıýz, 4 800 danaǵa jýyq qoldanylǵan SIM-karta, noýtbýk, antenna, mıkroshema tárkilengen.

Qazirgi ýaqytta birqatar saraptama jumystary qolǵa alynyp, tergeý amaldary júrgizilip jatyr. Kúdikti qamaýǵa alynǵan joq.