Petropavlda habar-osharsyz ketken jigittiń máıiti ormannan tabyldy
PETROPAVL. KAZINFORM — Jıyrma shaqty kún buryn joǵalǵan Rolan Zýevtiń denesi búgin qala mańyndaǵy ormannan tabylǵany belgili boldy.
Soltústik Qazaqstan oblystyq polıtsııa departamenti baspasóz qyzmetiniń málimetinshe, 18 jastaǵy jigittiń neden mert bolǵany anyqtalyp jatyr.
Aldyn ala málimet boıynsha, zorlyq-zombylyq belgileri anyqtalǵan joq.
Osy derek boıynsha qylmystyq is qozǵaldy.
Rolan Zýevtiń habar-osharsyz ketkendigi týraly qańtar aıynyń ortasynda onyń ápkesi polıtsııaǵa aryzdanǵan. Úıden shyǵyp ketip, baılanysqa shyqpaǵan.
Іzdeý jumystaryna polıtsııa qyzmetkerleri, kınologtar, áskerı qyzmetshiler, jedel-qutqarý jasaǵynyń mamandary, sondaı-aq eriktiler qozǵalysynyń ókilderi jumyldyryldy.
Buǵan deıin OrdaMed kompanııasynyń basshysyna izdeý jarııalanǵanyn jazǵan edik.