Petropavlda gvardııashylar pyshaǵyn jalańdatqan buzaqyny qarýsyzdandyrdy
PETROPAVL. QazAqparat - Petropavlda 5 maýsymda saǵat 19:15 Jambyl kóshesin patrýldeý kezinde Ulttyq gvardııanyń 6637 áskerı bólimshesiniń qyzmetshileri pyshaǵyn jalańdatyp, jurtqa ses kórsetken er adamdy ustady, dep habarlaıdy QazAqparat Polisia.kz silteme jasap.
Áskerı jasaq bastyǵy ıÝrıı Beloýsov, patrýlder Neıman Aben men Beksultan Bekmyrzaev kóshede júrgen, qolynda pyshaǵy bar, mas er adamdy baıqap qalǵan. Ol qolyndaǵy sýyq qarýdy ári-beri siltep, bylapyt sózder aıtyp kele jatqan.
Polıtseıler ýaqyt ozdyrmaı ony ustaýǵa árekettengen. Olardyń zańdy talabyna qaramastan álgi jigit qatty qarsylyq kórsetken.
Gvardııashylar ábjil qımyldap onyń pyshaǵyn tartyp alyp, qolyna kisen saldy. Ustalǵan azamat jaýapqa tartý úshin qalalyq polıtsııa bólimshesine jetkizildi.
