Petropavlda grek-rım kúresinen respýblıkalyq týrnır bastaldy
PETROPAVL. QazAqparat - Petropavlda KSRO sport sheberi Vasılıı Levchýkti eske alýǵa arnalǵan grek-rım kúresinen respýblıkalyq týrnır bastaldy, dep habarlaıdy QazAqparat tilshisi.
Jarys 2005-2006 jáne 2007-2008 jyldary týǵan jasóspirimder arasynda uıymdastyryldy. Oǵan elimizdiń túkpir-túkpirinen jáne Tájikstan men Reseıdiń Omby, Qorǵan oblystarynan júzge tarta balýan qatysyp jatyr.
Vasılıı Levchýk - SQO-nyń klassıkalyq jáne erkin kúresten birneshe dúrkin chempıony. Pavlodar qalasynda ótken tyń ıgerýshiler spartakıadasynyń alǵashqy jeńimpazy. Tórt ret KSRO-nyń aýyl sportshylarynyń úzdik altylyǵyna endi. 1966 jyly QR Chempıonatynda kúmis júlde alyp, jetinshi ret KSRO-nyń sport sheberi normatıvin oryndady.
Toqyraý jyldary Vasılıı Nıkolaevıch Petropavlda kúres mektebin basqardy. Áriptesteriniń aıtýynsha, ómiriniń sońǵy kúnderine deıin sport zalynda júrip. balalardy jattyqtyrdy. Onyń tárbıelenýshileriniń ishinde KSRO-nyń jáne Qazaqstan Respýblıkasynyń chempıondary bar.
Búginde onyń uly Oleg Levchýk áke jolyn jalǵastyrǵan. Oleg Vasılevıch Petropavldaǵy "Jeńis" olımpıadalyq rezervtegi balalar men jasóspirimder sport mektebinde grek-rım kúresinen jattyqtyrýshy bolyp eńbek etedi.
Týrnırge arnaıy qonaq retinde grek-rım kúresinen 1996 jylǵy Atlanta Olımpıadasynyń chempıony, Álem chempıony, úsh dúrkin Azııa chempıony, Azııa oıyndarynyń chempıony, Qazaqstannnyń jeti dúrkin chempıony ıÝrıı Melnıchenko keldi. Qazaqstanǵa eńbek sińirgen jattyqtyrýshy jarys aıasynda jasóspirimderge sheberlik saǵatyn ótkizdi.
Vasılıı Levchýkti eske alýǵa arnalǵan respýblıkalyq týrnır eki kúnge shaqtalǵan.
