Petropavlda gıpermarket órtenip, 140 adam evakýatsııalandy
PETROPAVL. KazAqparat - Petropavldaǵy gıpermarkettiń elektr jylytqyshynda qysqa tuıyqtalý bolyp, órt shyqty, dep habarlaıdy QazAqparat tilshisi.
Soltústik Qazaqstan oblysy boıynsha TJD baspasóz qyzmetiniń málimetinshe, oqys oqıǵa ǵımarattyń ekinshi qabatynda, býtıkterdiń birinde bolǵan. Órt ary qaraı jaıylmaǵan.
«Órt sóndirýshiler men qyzmetkerlerdiń birigip jumys isteýiniń arqasynda órt oshaǵyn joıý boıynsha tıisti sharalar qabyldandy. Ǵımarattan 140 adam evakýatsııalandy. Olardyń 7-ýi - balalar. Ózara is-qımyldar tártibi boıynsha, órt janǵan aýmaqqa oblystyq ortalyqtyń shuǵyl áreket etý qyzmetteriniń kúshi men quraldary jumyldyryldy», - dedi baspasóz qyzmetindegiler.
Oqıǵa saldarynan zardap shekkender men mert bolǵandar joq.
