Petropavlda geroın satýmen aınalysqan áıel ustaldy

PETROPAVL. QazAqparat - Petropavlda geroın ótkizý núktesine tosqaýyl qoıyldy, dep habarlaıdy QazAqparat Іshki ister mınıstrliginiń baspasóz qyzmetine silteme jasap.

Soltústik Qzaqstan oblysynyń polıtseıleri asa iri mólsherde esirtki ótkizgeni úshin buryn sotty bolǵan jergilikti áıeldi ustady.

«Ol oqshaýlanǵan ómir saltyn ustanyp, esirtkini aldyn ala kelisý arqyly belgili adamdarǵa ótkizip otyrǵan. Ustaý barysynda kúdikti áıel jasyrynyp ketpek boldy. Úıine tintý júrgizý barysynda 300 grammǵa jýyq geroın tabylyp alyndy» delingen habarlamada.

Ustalǵan áıel tergeý ızolıatoryna qamaldy. Oǵan qatysty QR Qylmystyq Kodeksiniń 297-babynyń 3-bóligi boıynsha sotqa deıingi tergeý bastaldy. Osy bap boıynsha múlkin tárkilep, on jyldan on bes jylǵa deıin bas bostandyǵynan aıyrý jazasy qarastyrylǵan.

Asa iri mólsherde alynǵan geroın 3,5 mln teńgege baǵalanyp otyr.