Petropavlda geoportal kelesi jyly iske qosylmaq
PETROPAVL. QazAqparat – Soltústik Qazaqstan oblysynda kelesi jyldyń sońyna qaraı geoportal qosylady, dep habarlaıdy QazAqparat tilshisi.
Qazir geoportal 74%-ǵa daıyn. Joba ázirleýshiler qalǵan aqparatty – 1,8 myń gektardy 2020 jyly engizedi. Qala mańyndaǵy jáne ónerkásiptik aımaqty engizý ǵana qaldy.
«Memlekettik kadastrmen birlesip ınjenerlik jelilerdi, nysandardy túgendep, qalanyń bas josparyn daıyndaý ústindemiz. Barlyq nysandar tsıfrlandyrylady. Sodan keıin osy platforma negizinde geoportal jasalmaq», - dedi Qurylys , sáýlet jáne qala qurylysy basqarmasynyń basshysy Serik Muhamedıev.
Oblys ákimi Qumar Aqsaqalov ony qolda bar aqparattarmen birge qazir iske qosý kerek dep esepteıdi.
«Ony adamdarǵa bere berý kerek. Muny ne úshin jasap jatyrmyz? Bızneske qaı jerde bos alań, energetıkalyq qýattylyq, jylý, elektr energııasy, sý qory bar ekeni túsinikti bolý úshin ázirledik. Árbir kásipker monopolısterge baryp, ári-beri júgirip júr. Eshqaıda barýdyń qajeti joq – geoportalǵa kirip, óz esebin jasap, ári qaraı ótinish berse bolǵany. Jumys osylaı istelýi kerek, jarty jyl boıy ruqsat alý qujattaryn jınaı bermeı», - dedi óńir basshysy.
Bolashaqta geoportalda bos jáne berilgen jer ýchaskeleri týraly aqparat paıda bolady.
Avtor:
Olesıa Jýkoven
