Petropavlda gaz jarylyp, boıjetken jaraqattandy
PETROPAVL. QazAqparat - Petropavlda gazdyń jarylýy saldarynan 23 jastaǵy boıjetken zardap shekti, dep habarlaıdy «QazAqparat» HAA.
Oqys oqıǵa kóp qabatty úılerdiń birinde kúndizgi úshter shamasynda bolǵan. Qyzdyń týystarynyń sózine qaraǵanda, kórshi kelinshek úıdiń kireberisinde gazdyń ısin sezip, esiktiń qońyraýyn shalady. Sol kezde aýamen aralasqan gaz jarylyp, páter ishindegi Krıstına Gartner kúıip qalady.
«1994 jyly týǵan qyzdyń denesiniń, tynys joldarynyń 80%-in 2-shi dárejedegi kúıik shalǵan. Oqıǵa ornyna Órt sóndirý jáne avarııalyq-qutqarý jumystar» MM bólimsheleri, SQO TJD jedel toby jiberildi», - dep málimdedi baspasóz qyzmetindegiler.
Tıisti organdar oqıǵa sebepterin anyqtap jatyr. Boıjetken jansaqtaý bóliminde jatyr, jaǵdaıy aýyr. №3 qalalyq aýrýhananyń jansaqtaý bóliminiń meńgerýshisi Dmıtrıı Flerko qyzǵa qajetti barlyq medıtsınalyq kómek kórsetilip jatqandyǵyn aıtty.
Krıstınanyń jaqyndary qarjy jınaý aktsııasyn bastap jiberdi, onyń dári-dármegine kún saıyn 17 myń teńge qajet.
