Petropavlda gaz tasymaldaıtyn kólik soqtyǵysty
PETROPAVL. QazAqparat - Petropavl dambasynda «Shacman» jáne «Renault» markaly eki aýyr júk tasyǵysh kólik soqtyǵysty. Olardyń biri gaz tasymaldap kele jatqan, dep habarlaıdy QazAqparat tilshisi.
Soltústik Qazaqstan oblystyq ishki ister departamentiniń baspasóz qyzmeti apattyń tańǵy saǵat 10-darda bolǵanyn naqtylady.
«Soqtyǵysqannan keıin eki kólik te toǵannyń operator beketiniń ǵımaratyna jetkizildi. Qazirgi tańda oqıǵa ornynda «Gorgaz» mamandary men tehnıkalary jumys istep jatyr. Gazdyń taralý qaýpi joq. Jol apatynyń mán-jaıy anyqtalyp jatyr. Qaýipsizdik sharalary qoldanylýda», - dep túsindirdi baspasóz qyzmetinen.
Oqıǵadan zardap shekken kólik júrgizýshileri aýrýhanaǵa jetkizilip, medıtsınalyq kómek kórsetildi.
