Petropavlda gaz qubyrynyń burandalaryn urlap kelgen urynyń kesirinen jarylys bola jazdady
Tamyz aıynyń basynda urylar «Jas órken» shaǵyn aýdanynda kópqabatty úsh úıdi gazsyz qaldyrdy. Belgisiz bireý podezge kire beristegi gaz shúmekteriniń qoladan jasalǵan burandalaryn sheship áketken.
Urlyq, keıin belgili bolǵandaı, «Bereke» shaǵynaýdanynda jáne qala ortalyǵynda da jasalǵan. «Gorgaz-servıs» JShS-gi osyndaı 30 burandanyń joǵalǵanyn aıtyp, onyń árqaısysyn keminde 11 200 teńgeden baǵalady. JShS qaýipsizdik qyzmeti polıtsııaǵa júgindi.
Soltústik Qazaqstan oblysy polıtsııa departamenti baspasóz qyzmetiniń málimetinshe, gaz qubyrynyń burandalaryn qoldy etip kelgen ury ustaldy. Petropavl polıtseıleri jedel-izdestirý is-sharalary nátıjesinde qala mańyndaǵy eldi mekenniń 26 jastaǵy turǵynynyń bul qylmysqa qatysy baryn anyqtady. Ol buryn da qylmystyq jaýapqa tartylǵan eken.
Urlanǵan zattyń bir bóligi metall qabyldaý ornynan alyndy.
Ustalǵannyń aıtýynsha, ol burandalardy qolmen burap kórgen, al sheshilgenderin ıemdenip otyrǵan, gazdyń taralýy jaıly, onyń qaýipti ekenin múldem oılamaǵan.
«Gorgaz-servıs» JShS tarapynan somasy 896 myń teńgege talap aryz berildi. Qazirgi ýaqytta materıal QR Qylmystyq kodeksiniń 189-baby 2-bóligi «Usaq urlyq» jáne QR QK 188-baby 3-bóligi «Urlyq» boıynsha sotqa tapsyryldy. Birer kún buryn er adam 2 jyl 4 aıǵa bas bostandyǵynan aıyrý jazasyna kesildi», – deıdi Petropavl qalasy PB tergeý bóliminiń bastyǵy Nurjan Omarov.
Aqerke Dáýrenbekqyzy