Petropavlda fýtbol maýsymy ashyldy
ASTANA. 25 sáýir. QazAqparat - Ótken jeksenbi kúni, 24 sáýirde Petropavl qalasynyń «Qarasaı» stadıonynda fýtbol maýsymynyń ashylý rásimi ótti.
SQO ákimdiginiń baspasóz qyzmeti habarlaǵandaı, oǵan oblys ákimi Serik Bilálov qatysyp, fýtbolshylar men jankúıerlerdiń aldynda sóz sóıledi.
«Búgin biz Qyzyljar óńirinde fýtbol maýsymynyń ashylýyna jınalyp otyrmyz. Elbasy Nursultan Ábishuly Nazarbaev salamatty ómir saltyn nasıhattaýǵa erekshe nazar aýdaryp otyr. Jyl saıynǵy Joldaýynda qazaqstandyqtar densaýlyǵyn jaqsartýy úshin sportqa tartylýy qajet ekenin atap ótýde. Oblysymyzda bul baǵyttaǵy jumys maqsatty túrde júrgizilýde» - dep atap ótti oblys ákimi.
Jańa fýtbol maýsymyna deıin jergilikti komanda 3 oqý-jattyǵý jıynyn ótkizdi: ekeýi Tashkentte jáne Sochıde. Komanda 5 myqty oıynshymen tolyqty. Al ótken jyly stadıonǵa jankúıerlerdiń kelýi boıynsha Petropavl qalasy birinshi oryn aldy.
Óńir basshysy bıyl qyzyljarlyq fýtbolshylardyń joǵary deńgeıde óner kórsetetinine senimin bildirdi. Oblys ákimi saltanatty shara barysynda qalanyń qurmetti azamaty, fýtbol ardageri Aleksandr Lıpovoıǵa Azıada estafetasyna qatysýshy sertıfıkatyn tabys etti. Keıin óńir basshysy dopty oıynǵa qosý qurmetine ıe boldy.
QR Birinshi lıgasynyń aıasynda ótken oıynda Petropavldyń «Qyzyljary» men Semeıdiń «Spartagy» teń tarasty. Esep 0-0.
