Petropavlda Esil ózeniniń tasýyna baılanysty Zarechnyı kentine kirýge shekteý qoıyldy

PETROPAVL. KAZINFORM – Petropavldaǵy Zarechnyı kentine barar joldy sý basty. Osyǵan baılanysty avtokóliktiń barlyq túrine júrýge ýaqytsha shekteý qoıyldy.

Búginnen bastap turǵyndar eldi mekenge qutqarýshylardyń kómegimen ǵana kirip-shyǵyp jatyr. Bul halyqtyń qaýipsizdigi úshin qolǵa alynǵan shara. Sondaı-aq mamandar bul jerde táýlik boıy kezekshilik atqarady.

- Bul joldy Esil tasyǵanda únemi sý basady. Qazir Soltústik Qazaqstan oblystyq tótenshe jaǵdaılar jáne polıtsııa departamentiniń qyzmetkerleri kezekshilik atqaryp jatyr. Órt sóndirý kóligin ákelip qoıdyq. Bizdiń eki «vahtovka» kóligimiz jolǵa shyqty. Olar tańǵy saǵat 6.30-dan bastap, 20.00-ge deıin kent turǵyndaryn tasıdy. Sý kóterilip jatyr, ázirge biraq úılerdi sý basý qaýpi joq, - deıdi Petropavl qalasy Tótenshe jaǵdaılar basqarmasynyń bastyǵy Erjan Sháripov.

«Qazgıdromet» RMK SQO fılıalynyń málimetinshe, Esil ózeniniń sý deńgeıi áli kóterilip jatyr. Sergeev sý qoımasynda sý deńgeıi bir táýlikte 23 sm kóterildi. Qazir bógettiń jotasynan asyp tógilý bıiktigi 244 sm jetken. Byltyrǵy antırekord – 425 sm. Petropavl qalasynyń mańynda bir táýlikte 2 sm ózgerdi.

Buǵan deıin SQO-da sý tasqynynyń úshinshi tolqyny bastalǵanyn jazǵan edik.