Petropavlda eskertkishke qoıylǵan gúlderdi buzaqylar emes, kommýnaldyq qyzmet áketken
Soltústik Qazaqstan oblysynda áleýmettik jelilerde keshe ǵana ınternatsıonalıst-jaýyngerler eskertkishine qoıylǵan gúlderdi bireýlerdiń jol boıyna shashyp tastaǵany týraly beınejazba jarııalandy. Kópshilik muny buzaqy jastardyń áreketi dep topshylap, olardy jazalaýdy talap etti.
SQO Polıtsııa departamenti baspasóz qyzmetiniń málimetinshe, osyǵan baılanysty Petropavl polıtseıleri tekserý júrgizdi. Nátıjesinde jelden ushqan gúlder men gúldestelerdi kommýnaldyq qyzmet jumysshylarynyń jınap alyp, qoqys konteınerine aparyp tastaǵany belgili boldy.
«Beınekameradaǵy jazbadan jumysshynyń gúldestelerdi qoqysqa súırep bara jatqanyn kórýge bolady. «Kommýnhoz» JShS ókilderimen profılaktıkalyq áńgime júrgizildi. Olarmen budan bylaı eskertkishke qoıylǵan gúlder men gúldestelerdi kún óter-ótpesten jınap almaý jaıynda kelisim jasaldy», - deıdi SQO PD Іshki jáne syrtqy kommýnıkatsııalar bóliminiń bas mamany Sán Jumaǵazına.