Petropavlda esirtkini jarnamalaǵan boıjetken 10 kúnge qamaldy

PETROPAVL. QazAqparat – Petropavlda psıhotroptyq zattar men esirtki taratatyn saıttardy jarnamalaǵan 18 jastaǵy qyz jazalandy, dep habarlaıdy QazAqparat tilshisi.

Petropavl qalasynyń Mamandandyrylǵan ákimshilik sotynyń aqparatyna súıensek, qalanyń 18 jastaǵy turǵyny ákimshilik quqyq buzdy dep tanylyp, oǵan 10 kúnge qamaý túrindegi jaza belgilengen.

Іs materıaldaryna qaraǵanda, qyrkúıektiń basynda qyz Jumysshylar kentindegi ǵımarat qabyrǵalaryna qara markermen túrli jazýlar jazǵan. Jazbalarda psıhotroptyq zattar men esirtki taratatyn saıttarǵa silteme jasalǵan.

Sottyń sheshimi zańdy kúshine endi, qyz ákimshilik qamaýǵa alyndy.

Avtory Olesıa Jýkoven