Petropavlda esirtki taratýmen aınalysqan saıttar jabyldy
PETROPAVL. QazAqparat - Soltústik Qazaqstan oblysy men RF shekaralyq oblystarynyń polıtseıleri vıdeokonferentsııada ózara yntymaqtastyqty jáne quqyqtyq tártipti nyǵaıtý máselelerin talqylady, dep habarlaıdy «QazAqparat» HAA tilshisi.
Reseı tarapynan Qorǵan oblysy boıynsha ІІMB bastyǵy Oleg Ilınyh, Omby oblysy boıynsha ІІMB bastyǵy Leonıd Kolomıets jáne Túmen oblysy boıynsha ІІMB bastyǵy ıÝrıı Altynov qatysty.
SQO ІІD baspasóz qyzmetiniń habaryna qaraǵanda, sharada taraptar esirtkiniń zańsyz aınalymyna baılanysty qylmystardy tergep-tekserý jáne ashý, kompıýterlik qylmystarǵa qarsy is-qımyldar, sondaı-aq shetel azamattarynyń kelýin baqylaý jaıyn qozǵaǵan.
«2017 jyly Petropavl qalasynyń aýmaǵynda esirtki zattardy jarnamalaý jáne taratýmen aınalysqan 9 saıt anyqtalyp, jabyldy», - deıdi ІІD esirtki bıznesine qarsy kúres basqarmasy bastyǵynyń mindetin atqarýshy Dýlat Jakýshev.
Kompıýterlik qylmystar aıtarlyqtaı materıaldyq zalal keltiredi. Byltyr oblys aýmaǵynda tirkelgen 87 faktiniń 60-y ınternet-alaıaqtyq bolǵan. Qylmystyq polıtsııa basqarmasynyń bastyǵy Petr Klımovtiń aıtýynsha, 27 qylmystyq is faktiniń izi Reseı Federatsııasyna aparady.
